Labordy CARE – Ymunwch â’n Grŵp Profiad Bywyd
Beth yw Labordy CARE? – Mae Labordy CARE Lab yn brosiect ymchwil newydd a fydd yn helpu i wella gofal cymdeithasol i oedolion yng Nghymru. Bydd yn cysylltu data dienw o wasanaethau gofal cymdeithasol, iechyd a gwasanaethau eraill yn ddiogel er mwyn deall yn well pwy sy’n derbyn gofal a chymorth, pwy sydd ddim, a sut y gellir gwella pethau. Trwy ddod â’r ffynonellau hyn at ei gilydd, bydd Labordy CARE yn rhoi’r trosolwg cenedlaethol mwyaf cyflawn o ofal cymdeithasol yng Nghymru ac yn helpu i lunio gwell gwasanaethau ar gyfer y dyfodol.
Pwy ydyn ni’n chwilio amdanyn nhw? – Grŵp o bobl (hyd at ddeg unigolyn) i ymuno â’n Grŵp Profiad Bywyd sydd â phrofiad o ddefnyddio gwasanaethau gofal cymdeithasol i oedolion, derbyn gofal a chymorth neu fod yn ofalwr di-dâl yng Nghymru.
Gallai hyn gynnwys pethau megis:
- Byw gydag amhariad a/neu gyflwr iechyd
- Bod yn ofalwr di-dâl
- Yn derbyn gofal a chymorth gan:
- Canolfannau dydd, elusennau a sefydliadau
- Gofal cartref
- Cefnogaeth gymunedol
- Cartrefi gofal, cartrefi nyrsio a byw â chymorth
Beth fyddwn i’n ei wneud fel aelod o’r Grŵp Profiad Bywyd:
- Mynd i bedwar cyfarfod y flwyddyn (ar-lein ac wyneb yn wyneb)
- Helpu i lunio prosiect Labordy CARE gyda’ch profiad bywyd
- Rhannu syniadau a rhoi adborth wrth i’r prosiect ddatblygu
- Ennill sgiliau newydd gyda hyfforddiant am ddim a chefnogaeth barhaus
- Derbyn taliad am gymryd rhan (£25 yr awr)
NID oes rhaid i chi fod ag unrhyw brofiad blaenorol o ymchwil neu o fod yn rhan o grŵp cynghori
Oes gennych chi ddiddordeb? Rhagor o wybodaeth
Cysylltwch â Miranda Evans, Rheolwr Busnes a Phartneriaethau, Anabledd Cymru miranda.evans@disabilitywales.org
Cysylltwch ag Alice Butler, Swyddog Cyhoeddus a Phroffesiynol Canolfan Ymchwil Gofal Cymdeithasol i Oedolion (CARE), care@caerdydd.ac.uk
